Մերը հոգին է…

«Զինվորական բժիշկների հայկական ասոցիացիա» ՀԿ նախագահ Ռուզաննա Խաչատրյանը, «Հանուն զինվորի առողջության» ծրագրի շրջանակներում, շարունակում է հանդիպում-քննարկումները հայ մեծանուն արվեստագետների, մտավորականների, հասարակական գործիչների հետ, ովքեր նույնպես, լինելով մտահոգ զինվորի առողջության պահպանման, բուժման խնդիրներով և հետևելով «Զինվորական բժիշկների հայկական ասոցիացիա» ՀԿ նախագահ Ռուզաննա Խաչատրյանի գործունեությանը, իրենց զորակցությունն են հայտնում նրան և պատրաստակամությունը՝ «Հանուն զինվորի առողջության» ծրագրի շրջանակներում իրականացվող աշխատանքներին մասնակցելու, աջակցելու վերաբերյալ:

Հանդիպումները կներկայացվեն «Զինվորական բժիշկների հայկական ասոցիացիա» ՀԿ amda.am կայքի՝ «Ասոցիացիայի նախագահ», «Մերը հոգին է» խորագրերի ներքո և «Զինվորական բժիշկների հայկական ասոցիացիա» ՀԿ նախագահ Ռուզաննա Խաչատրյանի ֆեյսբուքյան էջում:

«Զինվորական բժիշկների հայկական ասոցիացիա» ՀԿ նախագահ Ռուզաննա Խաչատրյան.

Մերը հոգի´ն է՝

Սերնդեսերունդ անշեջ թևածող,

Վերջին շնչում իսկ՝ հազար կերպ առած նորի´ց պոռթկացող,

Որ չես սպանի զենքով ու դիրքով,

Չե´ս խլի երբեք գիր ու կնիքով

Եվ սահմանների փշալարերով երբեք չե´ս բանտի:

Մերը հոգի´ն է…

 

Այսօր ես պատիվ ունեցա հյուրընկալելու հայազգի մեծանուն մտավորականներ ՀՀ ժողովրդական արտիստ, երգահան, բանաստեղծ, լրագրող Սասուն Պասկևիչյանին, ՀՀ վաստակավոր լրագրող, հաղորդավար, մեկնաբան Վարուժան Օլքինյանին, Երևանի գրողների միության նախագահ, «Նոր-Դար» գրական ամսագրի խմբագիր Աբգար Ափինյանին: Հանդիպումն սկսվեց սիրված երգահանի ոգեղեն խոսքով, հետաքրքիր մտորումներով, կատարումներով, որը ժամանակ առ ժամանակ իր հրաշալի բարիտոնով ընդհատում էր Վարուժան Օլքինյանը ՝ կարևորելով Գրիգոր Նարեկացու ժառանգությունը քրիստոնեության, մարդու դաստիարակության, արժեհամակարգերի ձևավորման, էության կայացման հարցում:

Այնուհետև մեզ միացավ Աբգար Ափինյանը, որը «Զինվորական բժիշկների հայկական ասոցիացիայի» գրադարանին նվիրեց «Նոր-Դար» գրական ամսագրի հրապարակումը ՝ նվիրված Մարո Մարգարյանի հոբելյանական 100-րդ տարեդարձին: Մեր գրադարանը հարստացավ նաև Սասուն Պասկևիչյանի հրաշալի երգերի և Վարուժան Օլքինյանի ընթերցմամբ՝ Գրիգոր Նարեկացու «Մատյան ողբերգության» պոեմի ձայնասկավառակներով:

Այնքան ներշնչանք ու ջերմություն կար նրանցից յուրաքանչյուրի մեջ, սեր ու նվիրում՝ հայոց զինվորի հանդեպ, մեծարանք՝ ժողովրդին զինվոր պարգևող մորը…

Մեզնից և ոչ մեկը չզգաց, թե ինչպես թռավ ժամանակը, եկավ հրաժեշտ տալու պահը, իսկ դեռ այնքան բան կար միմյանց ասելու…

  • 900
  • 808 (Medium)
  • 810 (1) (Medium)
  • 886 (1) (Medium)
  • 884 (Medium)
  • 8828 (Medium)